உன்மதி தாரும் ஆண்டவனே...

எதை செய்ய நினைக்கின்றேனோ...

அதை செய்ய மறக்கிறேன்...!

எதை செய்ய வெறுக்கின்றேனோ...

அதை செய்ய பறக்கிறேன்...!

இது தான் மனித நியதியா இறைவா...

என் உள்மனம் நினைப்பதை

முனைப்போடு நிறைவேற்ற

முன்மதி தாரும் என் மன்னவனே...!

என் முன்மதி நன்மதியாய் அமைந்திட

உன்மதி தாரும் ஆண்டவனே...!

*******

Read More

மாணவ சக்தியே...மகத்தான சக்தி...

மாணவ சக்தியே...மகத்தான சக்தி...

என் இனம் அழிய...
இந்தியா மட்டும் அல்ல 
தமிழ் நாட்டில் தமிழருக்காய்
என்று சொல்லிக் கொண்டு
தன்னலம் மட்டுமே கருதி 
தமிழர்களின் குருதி குடித்து
கொளுத்துக்கொண்டிருக்கும்
நம் அரசியல் வாதிகளின் அநியாய சதியும்தான் இது....
எழுந்திடு என் தமிழ் இனமே....
காசுக்காக கட்சியிலே
காலத்தை கடத்தியது போதும் என் தமிழ் உறவுகளே...
நம் தமிழ் இன விடுதலைக்காகவது
கட்சியைக் கடந்து
தமிழர்களாய் ஒன்று சேர்வது எப்போது...?
மாணவ சமுதாயமே மயங்கி விடாதே
கட்சியாளர்களின் வெற்றுப்பேச்சில்...
மயங்கினால் போதும்
மாணவ சக்தியை கட்சிக்காக பயன்படுத்தி
ஆட்சியைப் பிடித்துக் கொண்டு
பின் நம்மவரை சிறையினில் அடைக்கவும் தயங்காது....
நம் இனம் செழிக்க மாணவ சக்தியே மகத்தான சக்தி.....
தொடர்ந்து குரல் கொடுப்போம்...
உயிர் இருக்கும் வரை உணர்ந்து குரல் கொடுப்போம்....

*******

Read More

நினைக்க...உன்னை நினைக்க...

கலைந்த கனவுகள்...


மறைந்த நினைவுகள்...


உதிர்ந்த உறவுகள்...


உடைந்த சிறகுகள்...


கடந்த நிகழ்வுகள்...


நடந்த பாதைகள்...

எல்லாம் என்னிலே

இல்லையெனினும்

இறைவா...

உன்னை நினைக்கையிலே....

கலைந்த கனவுகள்

நினைவுக்கு வருகின்றன !

உதிர்ந்த உறவுகள்

உயிர் பெறுகின்றன !

உடைந்த சிறகுகள்

ஒட்டிக் கொள்கின்றன !

கடந்த நிகழ்வுகள்

கண்முன் வருகின்றன !

நடந்த பாதைகள்

நன்றாய்த் தெரிகின்றன !

நினைக்க...

உன்னை மட்டுமே நினைக்க

ஓர் வரம் தா இறைவா...!

*******

Read More